زیاد ڕه‌شاد قادر

لەدایکبووی ساڵی 1974ی پارێزگای هەولێرە، توێژەر و نووسەر و ڕۆژنامەنووسە، بڕوانامه‌ى به‌كالۆریۆسى له‌ كۆلیژى كارگێڕى و ئابووریی لە زانكۆى سه‌لاحه‌ددین وه‌رگرتووە، ماسته‌رى له‌ ئه‌ده‌بى كوردى له‌ زانكۆى یوزنجو یل له‌ شارى وانى باكوورى كوردستان به‌ ده‌ست هێناوه‌ و تێزى ماسته‌ره‌كه‌شى له‌سه‌ر ئه‌ده‌بى منداڵان بووه‌. ئه‌ندامى كاراى سه‌ندیكاى ڕۆژنامه‌نووسانى كوردستان و ئه‌ندامى یه‌كێتى نووسه‌رانى كورده‌. چه‌ندین لێكۆڵینه‌وه‌ و گوتار و ستوونى ڕۆژنامه‌وانى و ده‌قى ئه‌ده‌بى و ڕیپۆرتاج و گفتوگۆى ڕۆژنامه‌وانى و شیعرى منداڵانه‌ى بڵاو كردووه‌ته‌وه‌ و ژماره‌یه‌ك له‌ شیعره‌كانیشى كراونه‌ته‌ گۆرانى. وەک ئه‌ندامى ده‌سته‌ى نووسه‌ران و به‌ڕێوه‌به‌رى نووسین و سه‌رنووسه‌ر لە ژمارەیەک گۆڤار و ڕۆژنامه‌دا کاری کردووە. خاوه‌نى 16 كتێبى چاپ كراوه‌، له‌ بواره‌كانى زمان و شیعر و نامه‌ى ئه‌ده‌بى و ئه‌ده‌بیاتى منداڵان.